News Highlights
සිවිල් ආරක්‍ෂක දෙපාර්තමේන්තු විශේෂ විමර්ශණ ඒකකය සඳහා දෙවන අදියර යටතේ බලකා මට්ටමින් තොරාගත් සිවිල් ආරක්‍ෂක සාමාජික සාමාජිකාවන් 66 දෙනෙකු වෙනුවෙන් 2024 ජුනි මස 03 වන දින සේරුපිට පුහුණු පාසලේදී ආරම්භ කළ පුහුණු පාඨමාලාවේ විසිරයාමේ පෙළපාලිය 2024 ජුනි මස 18 වන දින සේරුපිට පුහුණු පාසලේ අණදෙන නිලධාරි ලුතිතන් කර්නල් එල්ආර්එම්යූබී රත්නායක ජ්‍යෙෂ්ඨ නිලධාරිගේ ආරාධනයෙන් විශේෂ විමර්ශණ ඒකකයේ අණභාර නිලධාරි කපිතාන් (විඅ) එන්සීපීඑන් නානායක්කාර යූඑස්පී එම්එස්සී(එම්පීටී) ජ්‍යෙෂ්ඨ නිලධාරිගේ ප්‍රධානත්වයෙන් සිදු කරන ලදී.
විසිරගිය නව පොලිස් සාමාජික සාමාජිකාවන් වෙත සුභාසිංශණ එක්කළ අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්‍යෙෂ්ඨ නිලධාරි විසින් සිවිල් ආරක්‍ෂක දෙපාර්තමේන්තු මූලස්ථානයේදි ඔවුන් අමතමින්, දෙපාර්තමේන්තුවේ කීර්තිනාමය නගා සිටුවීම වෙනුවෙන් කැපවීමෙන් රාජකාරි ඉටුකරන ලෙස උපදෙස් ලබා දුන් අතර පොලිස් සාමාජිකයින්ගේ රාජකාරීන් සහ වගකීම් සම්බන්ධයෙන් ද දැනුවත් කරන ලදී.
සිවිල් ආරක්‍ෂක දෙපාර්තමේන්තුවේ ප්‍රතිරූපය වර්ධනය කර ගැනීම වෙනුවෙන් බලකා සහ පුහුණු පාසල් අණ දෙන නිලධාරින්ගේ පාලන කටයුතු විධිමත්ව පවත්වාගෙන යාම සඳහා සහාය ලබා දෙමින් සිවිල් ආරක්‍ෂක සාමාජික සාමාජිකාවන්ගේ ඇඳුම, පෙනුම හා විනය පවත්වාගෙන යාම ආදී දෙපාර්තමේන්තු රාජකාරින් ඇතුළුව, රාජ්‍ය උත්සව අවස්ථා සඳහා ත්‍රිවිධ හමුදාව සහ පොලීසිය සමඟින් විශේෂ ආරක්‍ෂක රාජකාරි, ප්‍රභූ පරිවාරක රාජකාරි හා උත්සව චාරිත්‍රාණුකූල රාජකාරි ඉටුකිරීම වෙනුවෙන් සිවිල් ආරක්‍ෂක දෙපාර්තමේන්තු පොලිස් අංශය ස්ථාපිත කරන ලදී.
මෙම පාඨමාලාවේ කාර්යක්‍ෂම පොලිස් සාමාජිකයා ලෙස වව්නියාව බලකායේ ජ්‍යෙෂ්ඨ නියාමක එම් 013133 එස්එස් සෙනවිරත්න හා දක්‍ෂතම පොලිස් සාමාජිකාව ලෙස ගල්කිරියාගම පුහුණු පාසලේ කාන්තා උප නියාමක එෆ් 024608 පිආර්එම් ජයතිලක විසින් සහතිකපත් හිමි කර ගත් අතර, අධ්‍යක්‍ෂ පුහුණු කර්නල් එච්එම්ඒඩී සරත්චන්ද්‍ර, විශේෂ විමර්ශණ ඒකකයේ ජ්‍යෙෂ්ඨ නිලධාරින් අතුළු කාර්යය මණ්ඩලයේ සංවිධානයෙන් හා මෙහෙයවීමෙන් මෙම පාඨමාලාව සාර්ථකව නිම කරන ලදී.
- Details
ප්‍රතිනිර්මාණය වෙමින් පවතින ඓතිහාසික දීඝවාපි සෑ රඳුන්ගේ ධාතු ගර්භයෙහි සර්වඥ ධාතූන් වහන්සේලා සහ නිධන් වස්තු තැන්පත් කිරීමේ පුණ්‍ය මහෝත්සවය ගරුතර මහා සංඝරත්නයේ ආශිර්වාද හා සෙත්පිරිත් සජ්ජායනා මධ්‍යයේ අතිගරු ජනාධිපති රනිල් වික්‍රමසිංහ මැතිතුමාගේ ප්‍රධානත්වයෙන් 2024 ජූලි 14 වන දින උත්කර්ශවත් අයුරින් සිදුකරන ලදී.
මෙම අවස්ථාවට, සඳහා ජාතික ආරක්‍ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්යමණ්ඩල ප්‍රධානි සමඟින් ආරක්‍ෂක ලේකම්, ආරක්‍ෂක මාණ්ඩලික ප්‍රධානී, ත්‍රිවිධ හමුදාධිපතිවරුන්, පොලිස්පති, සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල්, පුරාවිද්‍යා දෙපාර්තමේන්තු කොමසාරිස් ජෙනරාල් හා මැති ඇමතිවරුන් ඇතුළු සැදැහවත් පින්වතුන් සහභාගීවිය.
දීඝවාපි සෑ රඳුන්ගේ සර්වඥ ධාතූන් වහන්සේලා තැන්පත් කිරීමෙන් අනතුරුව පස්වරු පැවති සම්බුද්ධ පූජාව සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියා) පීඑස්සී ජ්‍යෙෂ්ඨ නිලධාරිගේ ප්‍රධානත්වයෙන් සිවිල් ආරක්‍ෂක දෙපාර්තමේන්තුවේ අම්පාර බලකා අණදෙන නිලධාරි ලුතිතන් කර්නල් ඊආර්කේ එදිරිමුණි ආර්ඩබ්පී ජ්‍යෙෂ්ඨ නිලධාරි ඇතුළු සිවිල් ආරක්‍ෂක දෙපාර්තමේන්තු අම්පාර බලකා සාමාජික සාමාජිකාවන් විසින් සංවිධානය කරන ලදී.
බෞද්ධ සිද්ධස්ථාන අතරින් ප්‍රමුඛ ස්ථානයෙහිලා සැලකෙන සොලොස්මස්ථානයන්ට අයත් මෙම ඓතිහාසික දීඝවාපිය පුදබිමේ ප්‍රතිනිර්මාණය වන චෛත්‍ය රාජයානන්ගේ ඉදිකිරීම් කටයුතු ත්‍රිවිධ හමුදාවේ සහ සිවිල් ආරක්‍ෂක දෙපාර්තමේන්තුවේ ශ්‍රම දායකත්වයෙන් පුරාවිද්‍යා දෙපාර්තමේන්තුවේ අධීක්‍ෂණය යටතේ සිදු කරනු ලබයි. මෙම චෛත්‍ය ගොඩනැගීම සඳහා අවශ්‍ය ගඩොළු නිපදවීම සිවිල් ආරක්‍ෂක දෙපාර්තමේන්තු භට පිරිස් විසින් සිදුකරනු ලබයි.
- Details
සිවිල් ආරක්‍ෂක දෙපාර්තමේන්තුවේ සේවාවනිතා ඒකකයේ මූල්‍ය දායකත්වයෙන් නිවාස නොමැති සිවිල් ආරක්‍ෂක සාමාජික සාමජිකාවන් වෙත නිවාස තනා දීමේ ව්‍යාපෘතිය යටතේ කටුනායක බලකා අණදෙන නිලධාරි කපිතාන් ආර්පීඑස් රණසිංහ ආර්එස්පී යූඑස්පී ජ්‍යෙෂ්ඨ නිලධාරිගේ අධීක්‍ෂණයෙන් බලකා සාමාජිකයින්ගේ ශ්‍රම දායකත්වයෙන් කාන්තා සිවිල් ආරක්‍ෂක F 21734 කේපීආර්එම් කලවිටිගොඩ හා ඇයගේ පවුලේ සාමාජිකයින් වෙනුවෙන් ඉදිකරන ලද නව නිවස 2024 ජූලි මස 19 වන දින සිවිල් ආරක්‍ෂක දෙපාර්තමේන්තුවේ සේවා වනිතා ඒකකයේ ගරු සභාපතිණි දිලිනි කෝදාගොඩ මැතිණිය විසින් විවෘත කර පවරා දෙන ලදී.
සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියා) පීඑස්සී ජ්‍යෙෂ්ඨ නිලධාරිගේ මඟ පෙන්වීම යටතේ 2023 වර්ෂය සඳහා සම්පූර්ණ නිවාස 13ක් සහ ආර්ධ නිවාස 03ක් ඉදිකිරීම වෙනුවෙන් සේවා වනිතා ඒකකය මගින් මූල්‍ය ආධාර වෙන් කළ අතර, බලකා අණදෙන නිලධාරින්ගේ හා සිවිල් ආරක්‍ෂක සාමාජික සාමාජිකාවන්ගේ ඉමහත් කැපවීම සහ උනන්දුව මත මේ වන විට සියලුම නිවාසවල ඉදිකිරිම් කටයුතු අවසන් කර නිවාස හිමිකරුවන් වෙත පවරා දී ඇත.
මෙම උත්සව අවස්ථාව සඳහා කටුනායක බලකා අණදෙන නිලධාරි සහ සේවා වනිතා ඒකකයේ කමිටු සාමාජිකා චන්ද්‍රිකා රාජපක්‍ෂ මැතිණිය, සිවිල් ආරක්‍ෂක දෙපාර්තමේන්තුවේ දිස්ත්‍රික් නිලධාරින් ඇතුළු කටුනායක බලකායේ සාමාජික සාමාජිකවන් සහභාගී විය.
- Details
සිවිල් ආරක්‍ෂක දෙපාර්තමේන්තු සාමාජික සාමාජිකාවන්ගේ විනය නිසි පරිදි පවත්වාගෙන යාම වෙනුවෙන් ස්ථාපිත කරන ලද බලකා විනය පාලක නව තනතුරේ රාජකාරි සඳහා සුදුසුකම් ලත් ජ්‍යෙෂ්ඨ නියාමකවරුන් 29 දෙනෙකුගේ විසිරයාම හා සහතිකපත් ප්‍රදානය කිරීමේ උත්සව 2024 ජුලි මස 23 වන දින සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියා) පීඑස්සී ජ්‍යෙෂ්ඨ නිලධාරිගේ ප්‍රධානත්වයෙන් සහ අතිරේක අධ්‍යක්‍ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්‍රාමික) ජ්‍යෙෂ්ඨ නිලධාරිගේ සහභාගීත්වයෙන් සිවිල් ආරක්‍ෂක දෙපාර්තමේන්තු මූලස්ථාන පරිශ්‍රයේදී පවත්වන ලදී.
අධ්‍යක්‍ෂ ජනරාල්තුමාගේ උපදෙස් හා මඟපෙන්වීම යටතේ අධ්‍යක්‍ෂක පිරිස් පාලන බ්‍රිගේඩියර් අයිඩීඩී ප්‍රනාන්දු (විශ්‍රාමික) ජ්‍යෙෂ්ඨ නිලධාරිගේ සම්බන්ධීකරණයෙන් සිවිල් ආරක්‍ෂක දෙපාර්තමේන්තුවේ දීර්ඝ කාලයක් තුළ විශිෂ්ඨ සේවයක් කරන ලද ජ්‍යෙෂ්ඨ සාමාජිකයින් හට අභිප්‍රේරණයක් සඳහා මෙන්ම බලකා තුළ නිලධාරි සහ සෙසු නිලයන් අතර අන්‍යොන්‍ය සම්බන්ධතාවය වැඩිදියණු කර ගැනීම හා බලකා අණ දෙන නිලධාරින්ගේ පාලන කටයුතු පහසු කර ගැනීමේ අරමුණින් බලකා විනය පාලක නව තනතුර ස්ථාපිත කරන ලදී.
විනය පාලක නව තනතුරේ රාජකාරි පිළිබඳ න්‍යායාත්මක සහ ප්‍රායෝගික දැනුමක් ලබා දීම වෙනුවෙන් 2024 ජුලි මස 01 වන දින සේරුපිට පුහුණු පාසලේදී මෙම පුහුණු පාඨමාලාව ආරම්භ කළ අතර පාඨමාලා කාලය තුළදී, නිල ඇදුම් රෙගුලාසි, ආචාර විධි, උත්සව විධි, චාරිත්‍රානුකූල රාජකාරි, ආයතන සංග්‍රහය සහ නිවාඩු ක්‍රමවේදයන්, වැටුප් ගෙවීම් හා විශ්‍රාම වැටුප් ගෙවීම්, මුදල් රෙගුලාසි හා මුදල් පරිහරණය කිරීමේ පිළිවෙත්, ව්‍යාපෘතින් පවත්වාගෙන යෑමේ ක්‍රමවේදයන්, ලිපි ලේඛණ පරිශීලනය සහ නඩත්තු කළයුතු ලිපි ලේඛණ, සම්බන්ධයෙන් මෙන්ම මත්ද්‍රව්‍ය නිවාරණය හා සමාජ මාධ්‍ය ජාලා භාවිතය ආදි කරුණු ආවරණය වන පරිදි දැනුවත් කිරීමේ දේශන පවත්වා මනා පුහුණුවක් ලබා දෙන ලදී.
මෙම විසිරයාමේ පෙළපාලි අවස්ථාව සඳහා අධ්‍යක්‍ෂ මණ්ඩලයේ ජ්‍යෙෂ්ඨ නිලධාරින්, නියෝජ්‍ය /සහකාර අධ්‍යක්‍ෂකවරුන්, මාණ්ඩලික නිලධාරින්, සිවිල් ආරක්‍ෂක දෙපාර්තමේන්තු මූලස්ථානයේ දිස්ත්‍රික් නිලධාරින් හා සිවිල් ආරක්‍ෂක දෙපාර්තමේන්තුවට අනුයුක්තව රාජකාරි කරන ත්‍රිවිධ හමුදාව හා පොලීසියේ සියලුම සෙසු නිලයන්, සිවිල් කාර්යමණ්ඩල නිලධාරින් අතුළු සිවිල් ආරක්‍ෂක දෙපාර්තමේන්තු මූලස්ථානයේ සියලුම සිවිල් ආරක්‍ෂක සාමාජික සාමාජිකාවන් සහභාගී විය.
- Details
සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්‍යෙෂ්ඨ නිලධාරිගේ උපදෙස් හා මඟ පෙන්වීම මත 2024 වෙසක් උත්සවයට සමඟාමිව බලකා මගින් සුභසාධන වැඩ සටහන් සංවිධානය කරන ලදි.
ඒ අනුව, උහන බලකා අණදෙන නිලධාරි ලුතිතන් කර්නල් ඩීඑල්වයිඒ ලක්පුර ජ්‍යෙෂ්ඨ නිලධාරිගේ අධීක්‍ෂණය යටතේ මධ්‍යම කඳවුර රෝහලේ අවශ්‍යතාවයන් සඳහා මධ්‍යම කඳවුර උප කලාපයේ රාජකාරී කරනු ලබන සිවිල් ආරක්‍ෂක සාමාජික සාමාජිකාවන් 60 දෙනෙකුගේ සහභාගීත්වයෙන් ලේ දන් දීමේ වැඩසටහනක් 2024 මැයි මස 20 වන දින මධ්‍යම කඳවුර රෝහල් පරිශ්‍රයේදී සිදු කරන ලදී.
පොළොන්නරුව බලකා අණදෙන නිලධාරි ඩීඑම්ආර්කේබී නවරත්න ආර්ඩබ්පී ආර්එස්පී ජ්‍යෙෂ්ඨ නිලධාරිගේ සම්බන්ධීකරණයෙන් දිඹුලාගල රෝහල් වෛද්‍ය නිලධාරිගේ සහ කාර්යමණ්ඩලයේ සහයෝගයෙන් බෝ නොවන රෝග හඳුනා ගැනීම වෙනුවෙන් වෛද්‍ය සායනයක් 2024 මැයි මස 27 වන දින පොළොන්වනරුව බලකා මූලස්ථානයේ දී සිදු කළ අතර, එහිදී සිවිල් ආරක්‍ෂක සාමජිකයින් 100කට ආසන්න පිරිසකගේ රුධිර/මුත්‍රා නියැදි පරීක්‍ෂාව හා අධි රුධිර පීඩන පරීක්‍ෂාවකින් පසු හදුනාගත් අයවලුන් අවශ්‍ය ප්‍රතිකාර සඳහා යොමු කර ඇත.
කිළිනොච්චිය බලකාට අයත් සිවිල් ආරක්‍ෂක සාමාජික සාමාජිකාවන් වෙනුවෙන් මුඛ සෞඛ්‍ය පිළිබඳව සායනයක් බලකා අණදෙන නිලධාරි ලුතිතන් කර්නල් කේඑම්කේජීආර් කෝනාරසිංහ ජ්‍යෙෂ්ඨ නිලධාරිගේ සම්බන්ධීකරණයෙන් කිළිනොච්චිය රෝහලේ දන්ත වෛද්‍ය වසීකරි මනෝකරන් මහත්මිය හා දන්ත වෛද්‍ය ඇන්ඩනුජා මහත්මිය ඇතුළු වෛද්‍ය කාර්ය මණ්ඩලයේ සහභාගීත්වයෙන් 2024 මැයි මස 27 වන දින කිලිනොච්චි බලකා මුලස්ථානයේ දී පවත්වන්ට යෙදුණි, එහිදී සිවිල් ආරක්‍ෂ සමාජිකයින් 300කට ආසන්න පිරිසකගේ මුඛ සෞඛ්‍ය ගැටළු සඳහා විසදුම් ලබා දුන් අතර මුඛ පිළිකා සම්බන්ධයෙන් දැනුවත් කිරීමක් ද මෙම සායනය අතරතුරදී සිදුකරන ලදී.
- Details
