2024 ඔක්තෝම්බර් මස 23 සහ 24 යන දෙදින තුළ දියගම මහින්ද රාජපක්‍ෂ ක්‍රීඩාංගණයේදී පවත්වන්නට යෙදුණු රාජ්‍ය සේවා ප්‍රවීණයන්ගේ මළල ක්‍රීඩා තරඟාවලිය සඳහා සිවිල් ආරක්‍ෂක දෙපාර්තමේන්තුව නියෝජනය කරමින් සහභාගී වූ ක්‍රීඩක ක්‍රීඩිකාවන් 50 දෙනා විසින් රන් පදක්කම් 39ක්, රීදී පදක්කම් 35ක් සහ ලෝකඩ පදක්කම් 26ක් දිනා ගනිමින් සිවිල් ආරක්‍ෂක දෙපාර්තමේන්තුවේ ක්‍රීඩා දක්‍ෂතාවයන් ඉහළ නංවමින් රාජ්‍ය සේවා ප්‍රවීණයන්ගේ මළල ක්‍රීඩා තරඟාවලියේ සමස්ත අනු ශූරතාවය ද දිනා ගන්නා ලදී.
එසේ ජයග්‍රහණ ලබා ගත් ක්‍රීඩක ක්‍රීඩිකාවන් ඇගයීමට ලක් කරමින් සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්‍යෙෂ්ඨ නිලධාරින් විසින් 2024 ඔක්තෝම්බර් මස 28 වන දින සිවිල් ආරක්‍ෂක දෙපාර්තමේන්තු මූලස්ථාන පරිශ්‍රයේ දී ඔවුන්ගේ ක්‍රීඩා කුසලතාවයන් වර්ධනය කර ගැනීම සඳහා ශක්තිය ධෛර්ය ලැවේවායි ආශිර්වාද කරමින් සුභාශිංෂණ එක් කරන ලදී.
රාජ්‍ය සේවා ප්‍රවීණයන්ගේ මළල ක්‍රීඩා තරඟාවලියේ වයස් කාණ්ඩ අනුව දිනා ගන්නා ලද ශූරතාවයන්,
වයස අවු. 31 - 40 පිරිමි අනුශුරතාවය
වයස අවු. 41 - 50 පිරිමි ශුරතාවය
වයස අවු. 20 - 30 කාන්තා අනුශූරතාවය
වයස අවු. 31 - 40 කාන්තා අනුශූරතාවය
වයස අවු. 41 - 50 කාන්තා ශූරතාවය
වයස අවු. 51 - 60 කාන්තා අනුශූරතාවය
