පොල්හේන ජල ක්‍රීඩා සංගමය මගින් 13 වන වරට සංවිධානය කළ සමස්ථ ලංකා විවෘත කි.මි. 2 මුහුදු පිහිණුම් තරඟය 2024 අප්‍රේල් මස 07 වන දින මාතර පොල්හේන මුහුදු වෙරළ තීරයේදී පවත්වන්ට යෙදුණු අතර ඒ සඳහා සිවිල් ආරක්‍ෂක දෙපාර්තමේන්තු පිහිණුම් ක්‍රීඩා සංචිතයේ ක්‍රීඩක ක්‍රීඩිකාවන් 25 දෙනෙකු සහභාගී විය.
එහිදී සිවිල් ආරක්‍ෂක දෙපාර්තමේන්තුව “ආරක්‍ෂක සේවා ශූරතා පලිහ” දිනාගත් අතර කාන්තා සිවිල් ආරක්‍ෂක 026099 ජේඑච් නන්දනී විසින් වයස්ගතම ක්‍රීඩිකාවට හිමි කුසලානය හා තරඟ කරුවන් 200ක් අතරින් 10 ස්ථානය ද සිවිල් ආරක්‍ෂක උප නියාමක 023810 එන්එස් ප්‍රියසංක විසින් 11 වන ස්ථානය දිනා ගන්නා ලදී.
