News Highlights
2021 සැප්තැම්බර් මස 13 වන දිනට යෙදුණු සිවිල් ආරක්ෂක දෙපාර්තමේන්තු 15 දෙපාර්තමේන්තු දිනයට සමගාමීව අත් හා පාද අහිමි වූ සිවිල් ආරක්ෂක සාමාජිකයින් 64 දෙනෙකුගේ දෛනික කටයුතු පහසුකර ගැනීමෙහිලා උපකාරීවීමේ අරමුණින් යුතුව කෘතිම අත් හා කෘතිම පාද ප්රදානය කිරීම අධ්යක්ෂ ජනරාල් මේජර් ජෙනරාල් (විශ්රාමික) එන්ආර් ලමාහේවාගේ මැතිතුමාගේ ප්රධානත්වයෙන් 2021 සැප්තැම්බර් 14 වන දින කිලිනොච්චිය නෙළුම්පියස ශ්රවණාගාරයේදී සිදු කරන ලදි.
2009 වර්ෂයේ මානුෂීය මෙහෙයුම අවසන් වීමෙන් පසු උතුරු ප්රදේශයේ දමිළ ජනතාවගේ ජීවනෝපාය ඉහළ නංවාලීමේ අරමුණින් යුතුව පුනරුත්ථාපනය කරන ලද තරුණ තරුණියන් මෙම දෙපාර්තමේන්තුව වෙත බඳවා ගෙන ඔවුන් රටට වැඩදායී පුරවැසියන් බවට පත්කිරීමට එවකට අතිගරු ජනාධිපතිව සිටි වර්තමාන ගරු අග්රාමාත්ය මහින්ද රාජපක්ෂ මැතිතුමාගේ හා එවකට ආරක්ෂක ලේකම්ව සිටි වර්තමාන අතිගරු ජනාධිපති ගෝඨාභය රාජපක්ෂ මැතිතුමාගේ උපදෙස් මත 2012 වර්ෂයේ දී සැලකිය යුතු දමිළ තරුණ තරුණියන් ප්රමාණයක් කිලිනොච්චි, මුලතිව් හා විශ්වමඩු ප්රදේශයන්ගෙන් මෙම දෙපාර්තමේන්තුවට බඳවා ගෙන ඔවුන්ගේ නිවසට ආසන්නව ඇති කෘෂි ව්යාපෘතිවල රාජකාරි යොදවා රටේ සංවර්ධනය වෙනුවෙන් දායක කර ගන්නා ලදී.
මෙම භටපිරිස් අතරින් 64 දෙනෙකු පැවති යුධමය තත්වය මත අත් හා පාද අහිමිවී ඇති අතර, ඔවුන් වෙත මෙතෙක් රාජ්ය මට්ටමින් හෝ රාජ්ය නොවන සංවිධානයක් මඟින් කෘතිම අත් හෝ කෘතිම පාද ලබා දිමක් සිදු නොවුන හෙයින් ඔවුන් විසින් සකසා ගෙන ඇති තාවකාලික කෘතිම අත් හා කෘතිම පාද උපයෝගි කර ගනිමින් තම දෛනික අවශ්යතාවන් සපුරා ගන්නා ලදි.
ඔවුන් වෙත කෘතිම අත් හා කෘතිම පාද සකසා ගැනීම සඳහා රාගම රණවිරු සෙවනේ කාර්ය මණ්ඩලයේ සහාය ලබා ගැනීම සඳහා යුධ හමුදාධිපති ජෙනරාල් ශවේන්ද්ර සිල්වා මැතිතුමාගෙන් අධ්යක්ෂ ජනරාල්තුමා විසින් කළ ඉල්ලීමට අනුව යුධ හමුදා පුනරුත්ථාපන අධ්යක්ෂ මණ්ඩලය මඟින් කෘතීම අත් හා කෘතිම පාද සහනදායී මිලකට සකසා දීමටත්, අනුරාධපුර අභිමංසලින් කෘතීම අත් හා කෘතිම පාද සඳහා මිනුම් ලබාගැනීමටත් අවශ්ය කටයුතු සලසා දෙන ලදි.
මෙම කෘතිම අත් හා කෘතිම පාද සැකසීම සඳහා රු. 7,119,246.00 පිරිවැයක් වැය කිරීමට සිදුවූ අතර, එම මුදල් ආබාධිත සාමාජික සාමාජිකාවන්ගෙන් කිසිඳු අයකිරීමකින් තොරව දෙපාර්තමේන්තු පරිපාලන ගිණුම මඟින් ගෙවීමටත් අධ්යක්ෂ ජනරාල් මේජර් ජෙනරාල් (විශ්රාමික) එන්ආර් ලමාහේවාගේ මැතිතුමා විසින් උපදෙස් ලබා දෙන ලදි.
- Details
සිවිල් ආරක්ෂක දෙපාර්තමේන්තු 15 වන “දෙපාර්තමේන්තු දිනයට” සමගාමිව අධ්යක්ෂ ජනරාල් මේජර් ජෙනරාල් (විශ්රාමික) එන්ආර් ලමාහේවාගේ මැතිතුමාගේ ප්රධානත්වයෙන් 2021 සැප්තැම්බර් 11 වන දින උතුම් වූ දළදා වහන්සේට ගිලන්පස බුද්ධ පූජාව පවත්වා දෙපාර්තමේන්තු ධජයට හා බලකා ධජයන්ට සෙත් ප්රාර්ථනා කරන ලදි.
කොවිඩ් 19 සෞඛ්ය මාර්ගෝපදේශයන්ට අනුකූලව පවත්වන්නට යෙදුණු මෙම අවස්ථාවට සිවිල් ආරක්ෂක දෙපාර්තමේතුවේ අතිරේක අධ්යක්ෂ ජනරාල් රියර් අද්මිරාල් (විශ්රාමික) උදේනි සේරසිංහ මැතිතුමා ඇතුළු අධ්යක්ෂක මණ්ඩලයේ නිලධාරීන් කිහිපදෙනෙකු පමණක් සහභාගී විය.
- Details
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරල් (විශ්රාමික) රන්ජන් ලමාහේවාගේ මැතිතුමා 2021 අගෝස්තු මස 21 වන දින කොණ්ඩච්චි කජු ව්යාපෘතියේ නිරීක්ෂණ චාරිකාවක නිරත විය.
සිවිල් ආරක්ෂක දෙපාර්තමේන්තුව මගින් පවත්වාගෙන යමින් අස්වනු නෙලීම් සිදුකරන අක්කර 1200ක කොණ්ඩච්චි කජු වගාවට අමතරව කජු සංස්ථාව සතු භූමියෙන් අක්කර 500 ක භුමියක් මෙම දෙපාර්තමේන්තුවට වගා කටයුතු සඳහා ලබා දෙන ලදි. අධ්යක්ෂ ජනරාතුමාගේ සෘජු මඟ පෙන්වීම යටතේ එම භුමිය එළිපෙහෙළි කිරීම, මූලික බිම් සැකසීම, ද්විතීක බිම් සැකසීම හා ශාක රෝපණය කිරීම ආදී සියලුම ක්රියාවන් සිවිල් ආරක්ෂක දෙපාර්තමේන්තු සාමාජිකයින්ගේ ශ්රම දායකත්වයෙන් හා තාක්ෂණික දැනුම භාවිතා කරමින් සිදුකරනු ලබයි.
මෙම භූමියේ සිටුවීම සඳහා අවශ්ය කජු පැළ 13000ක ප්රමාණයක් දෙපාර්තමේන්තු සාමාජිකයින් විසින්ම තවාන් දමා ඇති අතර, දැනට බිම් සකසා ඇති වගා භුමියේ කජු වගාව ආරම්භ කිරීම සංකේතවත් කරමින් අධ්යක්ෂ ජනරාල්තුමා විසින් එදින සුභ මොහොතින් කජු පැළයක් රෝපණය කරන ලදි.
සිවිල් ආරක්ෂක දෙපාර්තමේන්තුව මගින් වගා කරනු ලබන කජු අක්කර 1200ක භූමිය හා කජු සංස්ථාව මගින් පවත්වාගෙන යනු ලබන අක්කර 4500ක භූමිය වටා කි.මි.32 කින් යුත් ආරක්ෂිත විදුලි වැටක් ඉදිකිරීම සම්බන්ධයෙන් කජු සංස්ථාවේ ඉහළ නිලධාරීන් හා අධ්යක්ෂ ජනරාල්තුමා අතර සාකච්ඡාවක් පවත්වන ලදි. ඒ අනුව කජු සංස්ථාව මඟින් විදුලි වැට ඉදිකිරීම සඳහා වැයවන අමුද්රව්ය, තාක්ෂණික මෙවලම් හා ප්රතිපාදන ලබා දීමට යෝජනා වූ අතර, සිවිල් ආරක්ෂක දෙපාර්තමේන්තු සාමජිකයින්ගේ පූර්ණ තාක්ෂණික දැනුම හා ශ්රම දායකත්වයෙන් යෝජිත විදුලි වැට ඉදිකිරීමට නියමිතව ඇති අතර, ඒ සඳහා වන ඉදිරි උපදෙස් කොණ්ඩච්චි කජු ව්යාපෘතිය භාර නිලධාරී ලුතිනන් කොමාණ්ඩර් කේයූසී පෙරේරා වෙත අධ්යක්ෂ ජනරාල්තුමා විසින් ඉඳුරාම ලබා දෙන ලදි.
ඉන් අනතුරුව කජු ව්යාපෘතියේ රාජකාරී කරනු ලබන සිවිල් ආරක්ෂක සාමාජිකයින්ගේ භට නිවාස, සුභසාධන කටයුතු හා රාජාකාරී සම්බන්ධයෙන් අධ්යක්ෂ ජනරාල්තුමන් විසින් විමසන ලදි.
- Details
මිනිසාගේ අවශ්යතා සඳහා අවශ්ය ආහාරපාන, ඇදුම්පැළදුම්, ඖෂධ වැනි ද්රව්යයන් තමා විසින් ම සපයා ගනු ලබන කෘෂිකාර්මික ආර්ථික පසුබිමක් පැවති සමාජ වටපිටාවක අතීතයේ විසූ ජනයා ජීවත් වූ බව පූරාවිද්යා සාක්ෂිවලින් මොනවට පැහැදිලි වී ඇති කරුණකි. එසේම මෙවන් වූ අවශ්යතාවන් සපුරාගැනීම උදෙසා කුඹුරු ගොවිතැන, හේන් ගොවිතැන මෙන්ම දේශගුණික විචල්යයන්ට සරිලන පරිදි කෘෂි කර්මාන්තයන්ගෙන් සමන්විත ආර්ථික ක්රමයක් පවත්වාගෙන ගොස් තිබේ. එවන්වූ ස්වර්ණමය යුගයක ශ්රී ලංකාව පෙරදිග ධාන්යාගාරය බවට පත්වෙමින් සහලින් මෙන්ම අනෙකුත් පාරිභෝගික ආහාරවලින් ද ස්වයංපෝෂිත කරමින් ගොවීන් එකල වැව් සහ වාරිකර්මාන්ත පද්ධති අශ්රිතව මහා පරිමාණයෙන් කෘෂි කර්මාන්තය ඉතාමත් ඉහළ සාර්ථකත්වයක් තුළ පවත්වාගෙන යන ලදි.
මෙම අවදියේදී මිනිස් ජීවන රටාවන් වෙනස් කරමින් කුරිරු එල්ටීටීඊ ත්රස්තවාදීන් තම අයිතීන් වෙනුවෙන් සටන් කරමින් ගම්මාන වල අහිංසක ජනතාව ක්රමක්රමයෙන් බිලි ගත්තේය. තම දරුවන් හා ඥාතීන් ආරක්ෂා කිරීම වෙනුවෙන් දිවා රෑ නිදිවරාගෙන කණ්ඩායම් වශයෙන් එක්ව ගොවීන්ට ගම්මාන ආරක්ෂා කරන්නට සිදුවිය. තම ජීවිත ගැන නොතකා කුරිරු ත්රස්තවාදී ප්රහාර හමුවේ ගම්මාන වල වැසියන් ගම්බිම් අත්හරිමින් රටේ දකුණු ප්රදේශයට සංක්රමණය වීම වළකමින්, තම ගම්බිම් ආරක්ෂා කිරීම වෙනුවෙන් ස්වේච්ඡාවෙන් ඉදිරිපත් වූ මේ ගම් වැසියන්ට ගම්මාන ආරක්ෂා කිරීම වෙනුවෙන් දෛනික වැටුපක් හා ගිනි අවියක් ලබාදී යුධ හමුදාවට සහාය දීම සඳහා සහායක හමුදාවක් ලෙස, "ග්රාමාරක්ෂක සේවය" පිහිටුවන ලදි.
එම සේවයේ අවශ්යතාවය තේරුම් ගැනීමත් සමඟ සිවිල් ආරක්ෂක දෙපාර්තමේන්තුව නමින් ප්රතිනිර්මාණය කර ඔවුන්ගේ සේවය අභිප්රේරණය කරන ලදි. යුධ පිටියේදී තම ගම් ප්රදේශය හා භූමිය පිළිබඳව හොදින් හඳුනන මොවුන්ගේ සහාය යුධ හමුදා මෙහෙයුම්වලට මහත් රුකුලක් විය. යුධ හමුදාව බේරාගත් ගම්මාන ආරක්ෂා කර ගනිමින්, ගම් වාසීන් එම ගම්මාන වල නැවත පදිංචිකරමින්, කෘෂිකාර්මික කටයුතු නැවත ආරම්භ කරමින් සාමාන්ය ජන ජිවිත රැකගැනිම සඳහා සිවිල් ආරක්ෂක දෙපාර්තමේන්තුව ඉමහත් සහායක් ලබා දෙන ලදි.
තිස් වසරක් පුරාපැවති කුරිරු ත්රස්තවාදය පරදවමින් යුධ විජයග්රහණය ලැබීමෙන් අනතුරුව සිවිල් ආරක්ෂක දෙපාර්තමේන්තුවේ භුමිකාව වෙනත් මානයකට යොමු කරමින්, යුධමය වාතාවරණයක් පැවති ප්රදේශවල ජන ජීවිතය යලි නගා සිටුවමින් ආර්ථික, සාමාජික හා සංස්කෘතික වශයෙන් සමෘද්ධිමත් කිරීමට සුවිශාල මෙහෙවරක් ඉටු කරමින් සිටියි. යුධ ජයග්රහණයේ සාඩම්බර කොටස් කරුවන් වූ ඔවුන් විවිධ විෂයන් ඔස්සේ මධ්ය කාලීන හා දීර්ඝ කාලීන සැලසුම් රැසක් ක්රියාත්මක කරමින් ඵලදායී ලෙස රටේ සංවර්ධන ක්රියාවලියට දායක වන ව්යාපෘතීන්හි නියැලෙමින් සිටි.
යුධ සමයේදී යුද්ධයෙන් විනාශයට පත්වූ මුඩු බිම් නැවත අස්වැද්දීමේ ක්රියාවලියට එකතුවෙමින් වගා සංග්රාමය ආරම්භ කළේය. මහඔය බෝගමුයාය හා පොළොන්නරු තොප්පිගල කුඹුරු යායෙන් ආරම්භ කළ වගා සංග්රාමය මේ වන විට රටේ විවිධ ප්රදේශයන් ආවරණය වන පරිදි ක්රියාත්මක කර ඇත. මහවැලි අධිකාරිය මගින් ලබාගත් ඉඩම්, වනසංරක්ෂණ දෙපාර්තමේන්තුවෙන් තාවකාලිකව ලබාගත් ඉඩම් හා සිවිල් ආරක්ෂක දෙපාර්තමේන්තු සාමාජිකයින් අඳ ගොවි ශ්රමය යටතේ ඉඩම් ලබා ගනිමින් කුඩා, මධ්ය හා විශාල ප්රමණයේ කෘෂි ව්යාපෘතින් දහස්ගණනින් ආරම්භ කර ක්රියාවට නංවමින් සිටි.
මුඩු බිමක් අස්වද්දා අස්වනු නෙලීමම පහසු කර්යයක් නොවේ. ඒ පිළිබඳව බුදුන් දවස අමිතෝදන රජු පුතුන් වූ මහානාම හා අනුරුද්ධ කුමරුවරුන් අතර සිදු වූ සංවාදයෙන් "ගොවිතැන" පිළිබඳව මහානාම කුමරුන් විසින් කල ප්රකාශයන් පූජාවලියේ මෙසේ සඳහන් කර ඇත.“ සී සෑම ඉතා අමාරු දෙයකි. නඟුලත්, වියදණ්ඩත් පෝරුවත්,ගොන් බානත් ගොවියෙක් වැනි අටලොස්සක් දෙනා උපයෝගි කරගෙන යන ගමන සීසෑමයි. සීසෑවට පසු කුඹුරෙහි ඇළ මං පාදාගෙන සුභ නැකතින් බිම් සදා දෙවරක් තුන්වරක් සීසා නියර කපා බිම සකස් කර පෝරු ගා බීජ කුඹුරෙහි වපුරා ගත යුතුය. කුඹුර වටා වැටක් ගසා ගොයම්ගස වැඩෙන අවස්ථාවෙහි පැලක් සදා එය ආරක්ෂා කළ යුතුය. දිවා රෑ නිදි නොබලා ඌරන්, මුවන් මීමන් ආදී සතුන්ගෙන් හාරමසක් ආරක්ෂා කළ යුතුය. කරල් පූදින මුල් අවස්ථාවේදී රෝග සෑදේනම් එයට පිළියම් යෙදිය යුතුවේ. සීනටි කුඹුරක්නම් තුන් හාර මසක් රැකිය යුතුය. මව් කුඹුරක් නම් හය මසක් හත්මසක් රැකිය යුතුය.” යනුවෙන් සඳහන් විණි. එවැනි කොතරම් අපහසු කාරයක් වුවද සිවිල් ආරක්ෂක දෙපාර්තමේන්තු සාමාජිකයින් එම කාර්යය ජයගෙන අද රටේ ආර්ථික සංවර්ධනයට දායක වීම වෙනුවෙන් වී වගාව, බඩඉරිඟු, රටකජු, කුරක්කන්, කව්පි, මුං ඇට, උඳු, මිරිස්, තල, ආදී බෝග ඇතුලත්ව, එළවළු හා පළතුරු වර්ග වගා කිරීම දිවයින පුරා පිහිටි බලකා මූලස්ථාන මගින් ආරම්භ කර ඇත.
අතිගරු ජනාධිපති ගෝඨාභය රාජපක්ෂ මැතිතුමා විසින් ඉදිරිපත් කල “සෞභාගයේ දැක්ම” ප්රතිපත්ති ප්රකාශණයට ප්රකාරව නිරෝගී සහ ඵලදායී පුරවැසියෙක් බිහි කිරීමට, වස විසෙන් තොර ආහාර වේලක් සඳහා වූ ජනතා අයිතිය තහවුරු කිරීම වෙනුවෙන් සිවිල් ආරක්ෂක සාමාජිකයින් කිසිදු රසායනික පොහොරක් හෝ කෘමි නාශක භාවිතයකින් තොරව කාබනික පොහොර පමණක් භාවිතා කරමින් කෘෂි ව්යාපෘතින් සියල්ල වස විසෙන් තොර ස්වර්ණ භූමි බවට පත්කරමින් පවතී. මේ වන විට සිවිල් ආරක්ෂක සාමාජිකයින් රට පුරා ගොවි බිම් අක්කර 2187ක ප්රමාණයක් වී වගා කර ඇති අතර, 2018 වර්ෂයේ රුපියල් මිලියන 47 ක්, 2019 වර්ෂයේ රුපියල් මිලියන 89ක්, 2020 වර්ෂයේ රුපියල් මිලියන 17 හා 2021 මේ වන විට රුපියල් මිලියන 85 වශයෙන් රාජ්ය භාණ්ඩාගාරය වෙත ලබා දී ඇත.
එපමණක් නොව බඩඉරිඟු අක්කර 1794 ක් 2021 වර්ෂයේ මේ වන විට වගා කර අවසන් කර ඇති අතර, 2018 වර්ෂයේදී රුපියල් මිලියන 62 ක්, 2019 වර්ෂයේදී මිලියන 48 ක්, 2020 වර්ෂයේදී රුපියල් මිලියන 5 හා 2021 වර්ෂයේ මේ වන විට රුපියල් මිලියන 98 වශයෙන් වගාවන්හි ආදායම් වශයෙන් රාජ්ය භාණ්ඩාගාරයට බැර කර ඇත.
වෙනත් බෝග, පළතුරු හා එළවළු අක්කර 2967 ප්රමාණයක් පවත්වාගෙන යනු ලබන අතර, පසුගිය වර්ෂයන්හි වගාවන් වල අස්වැන්න වශයෙන් 2018 වර්ෂයේදී රුපියල් මිලියන 65 ක්, 2019 වර්ෂයේදී මිලියන 66 ක්, 2020 වර්ෂයේදී රුපියල් මිලියන 45 හා 2021 වර්ෂයේ මේ වන විට රුපියල් මිලියන 69 රාජ්ය භාණ්ඩාගාරයට බැර කරන ලදි.
සිවිල් ආරක්ෂක දොපර්තමේන්තුව මගින් 2021 / 2022 මහකන්නය වෙනුවෙන් අක්කර 3320 ප්රමාණයක් කෘෂි ව්යාපෘති වශයෙන් ආරම්භකර ක්රියාවට නැංවීමට යෝජිතව ඇත.
නවීන තාක්ෂණික උපකරණ භාවිතා කර හරිතාගාර ක්රම උපයෝගී කර ගනිමින් අවම මිනිස් ශ්රමයක් යොදා ගනිමින් වැඩි අස්වැන්නක් ලබා ගැනීම සඳහා වූ ක්රියාවලියේ මූලික බිම් සැකසීමේ සිට, ද්විතීක බිම් සැකසීම, බීජ හෝ ශාක රෝපණය කිරීම, අතුරුයත්ගෑම, පොහොර යෙදීම, පළිබෝධ මර්ධනය, අස්වනු නෙලා ගැනීම, ශුද්ධ කිරීම, පිරිසිදු කරගත් අස්වනු ගබඩා කරණය හා පරිභෝජනය සඳහා එම අස්වනු සැකසීම ආදී මුළුමහත් ක්රියාවලියම සිවිල් ආරක්ෂක සාමාජිකයින්ගේ ශ්රමයෙන් සිදු කරමින්, වැඩි අස්වැන්නක් ලබා දෙමින්, ගොවි බිමට අරුණැල්ලක් පායමින්, රටේ ආරථික සංවර්ධනයට ශක්තියක් ලබා දීම සිවිල් ආරක්ෂක දෙපාර්තමේන්තුවේ ඒකායන බලාපොරොත්තුව වේ.
- Details
කූරගල විහාරස්ථානයට ප්රවිෂ්ඨ වන පිය ගැටපෙළෙහි ඉදිකරිම් කටයුතු 2021 ජූලි 30 වන දිනට ප්රථම අවසන් කිරීමට අවශ්ය කටයුතු සිදුකරන මෙන් කූරගල රජමහා විහාරයේ විහාරාධිපති වතුරකුඹුරේ ධම්මරතන හිමියන් විසින් සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරල් රන්ජන් ලමාහේවාගේ මැතිතුමාගෙන් ඉල්ලීමක් කර ඇත.
ඒ අනුව අධ්යක්ෂ ජනරාල් තුමාගේ උපදෙස් මත කූරගල ව්යාපෘතියේ අණදෙන නිලධාරී ප්රධාන පොලිස් පරීක්ෂක ටිකේආර්ඩබ්එස් බණ්ඩාරගේ අධීක්ෂණය යටතේ පිළිසකර කිරීමේ කටයුතු කඩිනම් කරන ලදි. භටයිනගේ දැඩි උනන්දුව හා කැපවීම මත 2021 ජූලි 30 වන දිනට ප්රථම පියගැටපෙළ සම්පූරණයෙන්ම පිළිසකර කර අවසන් කිරීමට හැකිවිය.
- Details