සිවිල් ආරක්ෂක දෙපාර්තමේන්තුවේ නව අධ්යක්ෂ ජනරාල් මේජර් ජෙනරල් (විශ්රාමික) රන්ජන් ළමාහේවගේ මැතිතුමා 2021 ජූලි මස 14 වන දින යුධ හමුදාපති හා වැඩබලන ආරක්ෂක මාණ්ඩලික ප්රධානී ජෙනරල් ශවේන්ද්ර සිල්වා මැතිතුමන් යුධහමුදා මූලස්ථාන පරිශ්රයේදී මුණගැසිනි.
නව ධුරයේ රාජකාරී භාර ගැනීමෙන් පසුව සංකේතාත්මකව යුධහමුදාධිපති තුමන් මුණගැසුණු අධ්යක්ෂ ජනරාල්තුමන් හට සුභ පැතුම් එක්කල යුධහමුදාධිපති තුමන් දෙපාර්තමේන්තුවේ ඉදිරි වැඩ කටයුතු පිළිබඳව මෙන්ම රටේ ආරක්ෂාව සහ කොවිඩ් 19 වසංගත තත්වය හමුවේ සිවිල් ආරක්ෂක දෙපර්තමේන්තුව ලබා දිය යුතු සහාය පිළිබදව උපදෙස් ලබා දෙන ලදි.
එම අවස්ථාව සනිටුහන් කරමින් යුධ හමුදාධිපතිතුමන් හා අධ්යක්ෂ ජනරාල්තුමන් සමරුපලක හුවමාරු කරගන්නා ලදි.